اليوم جبتلكم نظام ريجيم بس صحى و تقريبا بتاكلى كل حاجة و بجد بيجيب نتيجة كويسة
الأول على الريق يستحسن تشربوا حاجة من اللى هاكتبها
منقوع كمون بالليمون أو جنزبيل مع ملعقة صغيرة عسل نحل و أنا شخصيا بفضل كمون بالليمون لأنه بجد طعمه أحلى من الجنزبيل
بعد كده الفطار و طبعا لازم يكون الصبح عشان يلحق يتهضم و هاحطلك نماذج متنوعة لوجبة الفطار عشان متزهاقيش
1- ربع رغيف بلدى + قطعتين جبنة قريش + سلطة خضراء
2- تفاحتين + طبق سلطة خضراء + 2 بيضة مسلوقة
3- ربع رغيف بلدى + قطعة جبنة قريش + سلطة كرنب
4- كوب زبادى لايت + سلطة فواكه
5- ربع رغيف بلدى + طبق سلطة + أربع ملاعق فول
6- تفاحة + طبق سلطة كرنب + بيضة مسلوقة + زبادى لايت
و لما ييجى وقت الغداء مش هنحرمك من حاجة و عموما هطحلك حاجات حلوة و مفيدة فى الرجيم
1- سلطة كرنب + طبق كوسة + ربع فرخة مشوية
2- طبق سلطة + طبق فاصوليا خضراء + 2 قطعة لحم مسلوق أو مشوى
3- سلطة كرنب + سمكتين مشويتين
4- طبق سلطة + علبة تونة قطع مصفاة
5- طبق سلطة + عجة بدون زيت
6- تفاحة متوسطة + سلطة كرنب + 2 قطعة كبدة مشوية
بعد كده العشاء و خدى بالك لازم يكون قبل النوم على الأقل بساعتين
1- كوب زبادى لايت أو اثنين حسب مقدرتك
2- تفاحتان
3- سلطة فواكه
و عشان احنا كرماء ليكى يوم free بس مش معنى كده نعك الدنيا
و دلوقتى هاقدملك مجموعة نصائح غذائية أكيد هتساعدك
1- أخذ فنجان صغير من الخميرة يوميا
2- شرب 2 : 3 كوب ماء قبل كل وجبة
3- البدء بطبق السلطة أولا لأن السلطة هتخليكى تشبعى بسرعة
4- شربة الكوسة مرة أسبوعيا تساعد على تطهير المعدة
5- عدم الأكل أمام التليفزيون
6- الأكل بكميات محددة
7- ضرورة تناول الوجبات فى مواعيد ثابتة
8- الإفطار باكر
9- المشى ساعة يوميا أو ممكن نكتفى بالمشى اللى بنمشيه جوه الجامعة
10- عدم النوم بعد الأكل مباشرة
11- عدم تبديل الغداء مكان العشاء
أتمنى يكون الموضوع عجبكم و تقدروا تستفيدوا بيه و بجد هو سهل و بسيط و بيجيب نتيجة كويسة
