اعمل ايه؟؟؟؟؟؟؟

بتيجى عليا فترات ملل وزهق كتير مش عارفة اعمل فيها ايه؟
وخصوصا اليومين دول وانتوا عارفين طبعا ان الامتحانات على الابواب
انا بقى مش ليا نفس افتح ولا كتاب وزهقانة جدا وعندى احساس شديد بالملل
حد يساعدنى فى المشكلة دى من فضلوكوا
محدش عندوا حبوب نشاط أو حبوب تحبب الواحد فى المذاكرة؟؟

انتى عايزة حبوب زى فؤاد المهندس فى فيلم أرض النفاق ؟ أظن أنها مش هتنفعك

عموما أنا كمان أحيانا بحس أنى زهقانة و قرفانة من الكتاب و علشان أنا لازم أذاكر ممكن أغير طريقة المذاكرة فمثلا ماما بتعمل الأكل أجرى وراها و أقعد أشرحلها لحد مفهم و كل شوية أقولها فهمتى و ممكن أعيد تانى لحد ملاقى نفسى و هى حفظنا و فهمنا

و أوقات تانية ممكن أقوم أغنى أرقص أعمل أى حاجة و بعدين أرجع أذاكر و انتى حاولى تبتكرى حلول ليكى و انا شايفة ان اللى قلته مناسب ليا و ممكن ميناسبكيش حاولى تفكرى شوية

أتمنى ان اللى قلته ينفعك

شكرا يا حبى
بس فى اوقات مش بينفع قيها حاجة
ربنا يستر بقى

انا هقولك على وصفة بس ممكن تحيى انى مجنونه
الانسان لما بيحط فى راسه فكرة سلبة بتاثر على افعاله
انتى دلوقتى حطيتى فى عقلك فكرة سلبية انك مش قدرة تذاكرى دلوقتى
واكدتى عليها لما كتبتيها على المنتدى منتظرة مين يسعدك على الرغم من ان الكلام دة ملوش رجا لما حد يقول حاولى تذاكرى مرة اخرى
انتى عارفة ان الحل فى ايدك!!!!!!!!!!!!!!!
متستغربيش هو ضحلك اكثر مين اللى حط الفكرة السلبية فى راسك مش انتى
تقدرى تشليها زى ما حطتيها ازاى زى مانتى بتحطى كوب الشاى على الكتب وتشليها
ازاى بقى تشياى الفكرة من راسك
1- خدى نفس عميييييييييييييييييييق جا لحد متملى الرئه وعدى لمدة اربعة واخرجى الهواء من فمك كررى العملية دى 10 مرات لان دة التنفس اللى بيزول بيه الهموم اللى فى النفس وهو ده التنفس الصحيح
2- اقعدى فى مكان هاااااااااااادى جدا عشان محدش يشتت تفكيرك
3- فكرى بعقلك وحسسى نفسك انك سمعة صوت عقلك وقولى انا ذاكرت كويس وهقدر انى اذاكر
انا هقدر ان اذاكر انا هقدر ان اذاكر انا هقدر ان اذاكر
بس دا فى عقلك بدون صوت
4- طلعى صوت عالى منك بحيث انك تحسسى اذنك بكل كلمة انتى بتقو ليها كويس وقولى بصوت عالى انا هقدر اذاكر انا هقدر اذاكر انا هقدر اذاكر
5- وابدائى ذاكرى وانتى واثقة من انك هتقدرى تذاكرى
يارب اكون قدرت اساعدك ياحبى

شكرا يا حبيبة قلبى على الاهتمام
هو انا عارفة شوية من التنمية البشرية ان الانسان لما بيفكر فى الحاجة كتير بصورة سلبية دا بيتخزن فى العقل الباطن وبيتحول الى هدف يسعى لتحقيقه
يعنى مثلا لو قلت انا مش عاوز اقابل فلان وكررت الموضوع ده اكتر من مرة العقل الباطن مش بيفهم النفى فبيتحول الى انا عايز اشوف فلان
نفس الكلام لما باقول مش عارفة اذاكر فانا بثبت الفكرة دى فى عقلى
وعلى طول نلاقى نفسنا بنقول المثل الشعبى(اللى بيخاف من العفريت بيطلعله)
وانا عرضت الفكرة هنا لانكم اصدقائى ولازم نشارك بعض فى الافكار والاحاسيس حتى لو كانت سلبية
انا عارفة ان المشكلة فى انا وبحاول اتغلب عليها
ووصفتك جميلة وعلمية فى الوقت نفسه وانا عمرى ما اقول عليكى مجنونة

مرسى يا حبى